Израел ќе набави шест милиони дози вакцини од „Фајзер/Бионтек“ на почетокот на јануари за да помогне во кампањата за вакцинација на децата на возраст од пет до 11 години.
Кампањата се очекува да започне во следните недели, откако американската Агенција за храна и лекови (ФДА) ќе ја одобри вакцината, објави „Тајмс оф Израел“, повикувајќи се на радиото „Кан“.
Радио извештајот додава дека Израел во моментов има доволно вакцини за да започне кампања за вакцинација и дека новиот контингент ќе служи и како засилувач на дозата за тинејџерите на возраст од 12 до 15 години во јануари, кога ќе им дојде редот за третата доза.
