Израел има намера да стане една од првите земји во светот што ќе го вакцинираат мнозинството од населението против коронавирус, пишува лондонски „Гардијан“. Вакцинацијата во Израел почна минатата недела, а се планира поголемиот дел од популацијата со зголемен ризик да биде вакцинирана до крајот на јануари.
Доколку дозите на вакцината „Фајзер“ се достават на време, поголемиот дел од популацијата, освен деца под 16 години, ќе се вакцинираат во текот на март следната година.
