До 15 часот, излезноста на гласачите на изборите за градоначалник во Маврово и Ростуше изнесува 34,41 отсто, а во Центар Жупа 32,88 отсто.
Во Тетово за членови на советот, до 15 часот излегле 21,3 отсто од пријавените гласачи.
Денеска се гласа за градоначалници на општините Маврово и Ростуше и Центар Жупа, како и за членови на советот на општина Тетово.
Право на глас имаат вкупно 101.174 гласачи, од кои 84.072 во Тетово, 7.154 во Центар Жупа и 9.948 во Маврово и Ростуше.
Во Маврово и Ростуше се гласа на 39 избирачки места, во Центар Жупа на 16, а во Тетово на 117 избирачки места.