Ирачкото правосудство издаде налог за апсење на Доналд Трамп во врска со убиството на иранскиот генерал Касим Сулејмани и соработникот Абу Махди ал-Мухандис.
Убиството се случи минатата година, во близина на аеродромот во Багдад.
Налогот за апсење го издаде истражниот суд во Багдад, изјави портпарол на судот, а пренесе агенцијата АП.
Сулејмани беше началник на елитната единица Кудс на Иранската револуционерна гарда.
Во налогот за апсење, Трамп е обвинет за убиство со умисла, што во Ирак се казнува со смрт.
Нов претседател на САД е Џо Бајден, откако Конгресот денеска ги потврди гласовите од изборите на 3. ноември. За официјализирање, останува уште свеченоста на инаугурација која треба да се случи на 20 јануари.
