Украинскиот претседател Володимир Зеленски изјави дека елиминирањето на украинските борци во Мариупол ќе стави крај на преговорите со Русија.
„Сакам да кажам дека елиминацијата на нашата армија, нашите момци, ќе стави крај на сите преговори“, рече Зеленски.
Тој изјави дека Украина нема да тргува ниту со својата територија ниту со својот народ, додавајќи: „Колку повеќе места како Бородјанка има, толку потешко ќе биде“.
Украина инсистираше на тоа дека нејзините трупи сè уште се држат во урнатините на Мариупол, каде што украинските сили беа потиснати назад до фабриката „Азовстал“ во близина на пристаништето.
Претходно денеска, шефот на Народната република Доњецк (ДПР), поддржана од Русија, изјави дека украинските борци кои остануваат во Мариупол и одбиваат да се предадат ќе бидат елиминирани.
