Симптомите на американскиот претседател Џозеф Бајден за Ковид-19 се подобруваат и тој сега има помалку болки во грлото и кивање, помалку кашлање и помалку болки во телото. Ова го изјавил неговиот лекар Кевин О’Конор.
Белите дробови на Бајден се сè уште „чисти“, а заситеноста со кислород е сè уште одлична на собниот воздух, рекол тој, пренесе Ројтерс.
О’Конор кажал дека пулсот, крвниот притисок и температурата на Бајден биле во нормални граници.
Тој додал дека американскиот претседател добро ја поднесува терапијата.
Бајден најверојатно ја има многу заразната варијанта БА5, изјавил О’Конор.