Рускиот претседател Владимир Путин би можел формално да и објави војна на Украина на 9 мај, што е потег што ќе му овозможи целосно да ги мобилизира руските резервни сили, додека инвазијата продолжува да се забавува, сметаат американските и западните власти.
Денот на победата или 9 мај е денот кога Русија ја слави победата над нацистите во Втората светска војна, потсетува Си-Ен-Ен.
Западните власти долго време веруваа дека Путин ќе го искористи симболичното значење и пропагандна вредност на тој ден за да ги објави или воените достигнувања во Украина, големата ескалација на непријателствата или и двете.
Официјалните лица, додава Си-Ен-Ен, се повеќе веруваат во сценариото дека Путин ќе и објави војна на Украина на 9 мај. Досега, тој инсистираше на тоа дека конфликтот, кој трае повеќе од два месеци, е „специјална воена операција“, со која се забранува употребата на зборови како „инвазија“ или „војна“.
Формалното објавување војна потенцијално може да ја зајакне јавната поддршка за инвазијата. Тоа, според рускиот закон, исто така ќе му овозможи на Путин да мобилизира резервни сили и да регрутира регрути, за кои властите велат дека на Русија очајно и требаат поради зголемениот недостиг на луѓе.
Западните и украинските власти проценуваат дека во војната досега загинале најмалку 10.000 руски војници.