Стручните лица од интервентите екипи на АД МЕПСО по непрекината 16 часовна работа успеаја да го вклучат под напон 110 киловолтниот далекувод ТС Вруток – ТС Шпиље.
Со тоа денеска во 04:15 часот создадени се услови за жителите на Дебар и неколку околни населени места да добијат снабдување со електрична енергија.
Електро монтерите на МЕПСО минатата ноќ работеа во исклучително тешки временски услови на студено и врнежливо време проследено со силен ветар. Прекинот во снабдувањето со електрична енергија, предизвикан од невремето, беше регистриран вчера во 10:35 часот.
