Турскиот претседател Реџеп Таип Ердоган денеска сугерираше дека војната во Украина можела да се избегне доколку светот отворено се изјаснил против, како што вели, руската анексија на Крим во 2014 година.
„ Дали би се соочиле со оваа слика доколку Западот и целиот свет го кренат гласот? Оние кои молчеа по инвазијата на Крим, сега кажуваат некои работи“, рече Ердоган, цитиран од АП.
Тој денеска зборуваше на дипломатски форум во близина на турскиот град Анталија, каде што рускиот министер за надворешни работи Сергеј Лавров и украинскиот министер за надворешни работи Дмитриј Кулеба се сретнаа еден ден претходно, на разговори предводени од турскиот министер за надворешни работи.
