Утрински Весник
Свет

Ердоган: Авганистан не стана побезбеден додека таму беше Америка

Ердоган: Авганистан не стана побезбеден додека таму беше Америка

Турскиот претседател Реџеп Таип Ердоган рече дека Авганистан не бил побезбеден додека американската армија била во таа земја.

„За време на дводецениското присуство на американската војска во Авганистан, регионот воопшто не беше побезбеден. Напротив, секој ден беше покрваво “, изјави Ердоган за време на неговиот престој во Њујорк на Генералното собрание на Обединетите нации.

Тој рече дека САД мора да го преиспитаат своето дводецениско присуство, но и заминувањето од Авганистан.

Ердоган вели дека Турција веројатно би можела да ја преземе улогата на обезбедување на аеродромот во Кабул, но под услов САД да обезбедат логистичка и финансиска поддршка, како и трансфер на оружје и муниција на Турција.

„Меѓутоа, во Авганистан се случија различни работи – оружје, муниција и оклопни возила паднаа во рацете на Талибанците и сега Талибанците го контролираат американското оружје“, додаде тој.

Можете да прочитате

„Мојот пријател“ – Трамп објави фотографија со Путин по средбата во Кина

Маѓар: Запленети се средствата на поранешниот министер на Орбан од 24 милиони евра

Франција го отфрли новиот предлог за буџет на ЕУ од кој беа одбиени 204 милијарди евра