Прилеп, 21 мај 2020 (МИА) – Во Прилеп денеска е регистриран еден случај на новозаразен од корона вирусот, а четворица се оздравени. На Клиниката за инфективни болести во Скопје почина уште едно лице од Прилеп на 56-годишна возраст како последица од Ковид-19 и со вчерашниот случај на починат 41-годишен прилепчанец, вкупната бројка на починати од Прилеп е 14.
Од вкупно 204 случаи, во моментов во овој град се активни 55.
На Инфективното одделение во прилепската болница се хоспитализирани 16 лица, од кои 14 се позитивни на коронавирусот. ем/ев/
