На Русија ќе ѝ биде дозволено да учествува на овогодинешниот Избор за песна на Евровизија, и покрај тоа што започна воен напад врз соседна Украина, објави британски Би-би-си.
Според истиот извор, организаторите во моментов планираат да бидат домаќини на учесниците од Русија и Украина.
Организаторите велат дека годишниот настан во мај е „неполитички културен настан кој ги обединува нациите и ја слави различноста преку музиката, но ќе продолжи внимателно да ја следи ситуацијата“.
„Ние секако ќе продолжиме внимателно да ја следиме ситуацијата“, стои во соопштението.
Украинската државна телевизија UA: PBC побара Русија да биде суспендирана.
Во барањето се наведува дека руската државна телевизија, која го надгледува учеството на земјата во натпреварот, е всушност „гласник на Кремљ и клучна алатка за политичка пропаганда и систематско ширење на дезинформации“ против Украина.
