Вакцинацијата се одвива непречено на сите пунктови низ државата, а во тек е и теренска вакцинација, нагласуваат од Министерството за здравство.
На вакциналните пунктови во државата и на терен, заклучно со вчера вакцинирани се вкупно 741.553 граѓани.
„Прва доза вакцина вчера примиле 4.251 граѓани, а вчера вкупно се вакцинирале 13.219 граѓани. Во државата вкупно се аплицирани 1.306.042 дози вакцини, а ревакцинирани се 564.488 граѓани“, посочуваат од ресорното министерство.
Според последните бројки, 53% од населението над 40 години имаат примено барем една доза вакцина и 29% од населението над 18-39 години е вакцинирано со барем една доза вакцина.
Граѓаните без закажан термин се вакцинираат во постоечките вакцинални пунктови низ државата. Децата од 12 до 18 годишна возраст се вакцинираат со согласност од родител, потсетуваат од министерството.
