Гостивар, 26 јуни 2020 (МИА) – Општата болница во Гостивар доби донација на дезинфекциски средства во вредност од 20 илјади евра од автомат клубовите „Адмирал“ кои се дел од Групацијата НОВОМАТИК.
– Во ова неизвесно време кога сите се трудиме да го зачуваме нашето здравје и здравјето на нашите најмили, кога здравствените работници и сите здравствени институции силно стојат во првите редови во борба против пандемијата од КОВИД-19 вирусот, се чувствуваме обврзани да пружиме помош онаму каде што е најпотребно, се вели во соопштението од автомат клубовите „Адмирал“.
Донацијата е дел од хуманитарна акција на повеќе компании, членки на Групацијата НОВОМАТИК во Македонија кои донираа болнички кревети и дезинфикциони средства во пет различни здравствени институции во нашата држава. Донираните средствата од целата хуманитарна акција се во износ од 200.000 евра. аа/дма/
