Во вторникот вечерта премиерно беше прикажан американски ситком базиран на животот на поранешниот професионален борач а сега омилен холивудски актер Двејн Џонсон.
Комедијата на „Ен-би-си“, Young Rock, го пренесува гледачот низ четири различни временски периоди од животот на 48-годишниот Двејн, од детството, до тинејџерските години, како млад и возрасен во 2032 година, кога се кандидира за претседател.
„Јанг рок“, насловен по неговиот прекар кога бил борач, поаѓа од претпоставка дека Двејн се кандидира за претседател на САД во 2032 година и дека дава интервју за својот живот. Актерот и продуцент јавно кокетираше со идејата да се кандидира за Белата куќа, последен пат во 2019 година, кога рече дека не е вистинското време.
Двејн (48), во серијата ќе го глумат тројца актери на различна возраст во секвенци во кои ќе биде прикажано и неговото детство кое го помина на Хаваите, како син на борачот Роки Џонсон.
