Најмалку 12 луѓе се ранети во руското гранатирање на украинскиот град Миколаев на југот на Украина, соопшти денеска шефот на регионалната воена администрација Виталиј Ким.
Како што рече тој, ракети од повеќе ракетни фрлачи погодиле две медицински установи и станбени згради, пренесе „Ројтерс“.
„ Засега има 12 ранети“, рече Ким во објава на Телеграм.
Претходно, градоначалникот на Миколаев, Олександар Сенкевич, објави дека во градот одекнуваат експлозии.