Градоначалникот на Општина Бутел, г-дин Велимир Смилевски, оствари работна средба со претставници од Здружението на стопанственици на индустриска зона Визбегово. На работната средба присуствуваа и претставници од ЈП Водовод и канализација – Скопје
Индустриската зона Визбегово е место каде делуваат поголем број компании, чие функционирање е од големо значење на Општина Бутел, како од економски, така и од социјален аспект. Токму затоа и делувавме во подобрувањето на условите во истата. На состанокот се разговараше за можноста за изведба на водоводна мрежа во горниот дел од Индустриската зона – Визбегово. Заложбите на Општина Бутел се секогаш насочени кон исполнување на потребите на граѓаните и , кон подобрување и унапредување на инфраструктурата, се со цел подобрување на условите за живот и работа во нашата општина.
