Градот Мостар денеска беше зафатен од силно невреме кое започнало околу пладне, јави порталот „Кликс“.
Врнежите од дожд биле пропратени со грмотевици, при што многу улици биле поплавени, а силен ветер ги кршел гранките на дрвјата.
Од Федералниот хидрометеоролошки институт (ФХМЗ) најавиле дека во текот на денот се очекува претежно облачно време низ цела Босна и Херцеговина.
Исто така на територијата на целата земја е издаден жолт метеоаларм – предупредување за опасни временски појави.
