Карин Штренц од партијата на канцеларката Ангела Меркел почина откако загубила свест во авион за време на повратен лет кон Германија.
Штренц (53) се враќала од Куба заедно со нејзиниот сопруг, изјави нејзиниот колега и пратеник Екарт Рехберг од Христијанско-демократската унија (ЦДУ), пренесува агенцијата АП.
Авионот итно слетал во Ирска, но лекарите не биле во можност да ја спасат Штренц, изјавил доцна синоќа Рехберг.
Не е познато што ја предизвикало смртта и зошто таа патувала во Куба.
Штренц беше членка на германскиот парламент од 2009 година.
На почетокот на минатата година, таа и уште еден пратеник беа мета на обвинителството, кое истражуваше наводни трансфери на пари од Азербејџан.
