В понеделник ќе се одржи Конститутивната седница на Собранието на Србија, на која ќе бидат потврдени мандатите на народните пратеници.
Тогаш ќе бидат избрани и претседател на Националното собрание, заменик претседател, именување на генерален секретар на Националното собрание и избор на членови на работни тела.
Изборите за пратеници на Собранието на Србија се одржаа на 21 јуни, а српското Собрание има 250 пратеници.
Според резултатите од изборите, листата „Александар Вучиќ – за нашите деца“ на Српската напредна партија (СНС) ќе има 188 пратеници, листата на Социјалистичката партија на Србија (СПС) и Единствена Србија (ЈС) освоија 32 мандати и изборната листа СПАС на Александар Шапиќ ќе има 11 пратеници.
