Околу 140.000 луѓе, од кои 18.000 во Париз, протестираа вчера, осми викенд по ред, против здравствените сертификати, но со помала излезност, соопшти француското Министерство за внатрешни работи.
Во министерството беа пријавени 215 собири, од кои пет во Париз.
Одговорот на протестите ослабна во последните недели. Речиси 160.000 демонстранти учествуваа минатиот викенд; пред две недели околу 175.000 и пред три недели речиси 215.000, покажуваат податоците на министерството.
„Ги бојкотираме здравствените сертификати (…) ќе воведеме трета доза бојкот. На крајот, здравствениот сертификат ќе падне“, рече Флоријан Филипот, претседател на Патриотското движење.
Властите во средата почнаа кампања за трета доза за вакцинација против Ковид-19 што треба да се спроведе кај постари лица и луѓе со здравствени проблеми.
Истражувањето на ‘Odox Backbone Consulting’, објавено во четвртокот во весникот „Ле Фигаро“, покажува дека 67 проценти од Французите ја одобруваат здравствената потврда за која претседателот Емануел Макрон рече дека може да продолжи и по 15 ноември.
Франција, која има околу 67 милиони жители, многу скоро ќе ја надмине границата од 50 милиони луѓе кои примиле барем една доза од вакцината. Покрај тоа, околу 45 милиони луѓе – или 67,3 проценти од вкупното население се целосно вакцинирани.
