Струмица, 23 април 2020 (МИА) – Вториот пациент кој беше докажано позитивен на коронавирус во Струмичко е прогласен за оздравен, информираше директорот на Центарот за јавно здравје во Струмица, Петре Витанов.
-Денеска ги добивме резултатите од вториот контролен брис на вториот пациент кај кого беше докажано присуство на коронавирусот и тој е негативен. Со тоа во Струмичкиот регион, односно територијата која ја покрива нашиот Центар за јавно здравје, нема докажано позитивен на Ковид-19.
Досега во Струмица се тестирани 59 сомнителни пациенти, а само двајца беа позитивни и тие се лекуваа во домашен карантин. рт/аа/
