Во изминатите 24 часа во ковид-центрите во Скопје се хоспитализрани 9 нови пациенти поради компликации од коронавирусот, информираат од Министерството за здравство.
Од таму додаваат дека вкупно 260 лица сомнителни и потврдени за Ковид-19 се лекуваат на инфективните оддели во главниот град.
„Во последното деноноќие, на интерните клиники имало 5 приеми. Во ковид-центарот во ГОБ 8 Септември имало два нови приеми на пациенти, исто колку и на Инфективната клиника во текот на вчерашниот ден“, стои во соопштението на ресорното министерство во кое се додава дека во изминатите 24 часа дома се пуштени 8 оздравени пациенти.
Од вкупно 260 пациенти кои се лекуваат на инфективните оддели во болниците во главниот град, голем дел од пациентите се на кислородна поддршка.
Здравствените власти посочуваат дека бројот на приеми во изминативе денови е стабилен и утрово до 8 часот имало 90 слободни места, а се очекува во текот на денот, по направените исписи на оздравените пациенти, да се ослободат и дополнителни места.
