Во италијанското пристаниште на Тиренското море, во провинцијата Калабрија, полицијата за помалку од седум дена заплени 1.300 килограми чист кокаин.
Дрогата била скриена во контејнери кои доставувале кафе, смрзнато месо и егзотично овошје од Јужна Америка.
Според полицијата, два контејнери биле испорачани од Бразил, а третиот од Еквадор.
Кокаинот бил откриен меѓу испорачаната стока благодарение на употребата на современи скенери. Вредноста на запленетата дрога на пазарот, што, меѓу другото, ја дистрибуира криминалната организација Ндрангета, е околу 260 милиони евра, објави полицијата.
