Битола, 24 март 2020 (МИА) – Екипи на локалното јавно претпријатие „Комуналец“ извршија дезинфекција на станбените единици во најголемите градски населби во Битола.
Акцијата беше иницирана од градоначалничката Наташа Петровска, и освен ЈП „Комуналец“ се вклучија и другите битолски јавни претпријатија, информираа од секторот за односи со јавност на Општина Битола.
-Дезинфекција е извршена на станбените единици во населбите „Карпош“, „Кланица“, „Стрелиште“ и „Стара болница“, а акцијата ќе продолжи во наредните денови, соопштија од тамошната локална самоуправа и апелираат граѓаните непотребно да не излегуваат од дома. мт/дма/
