Утрински Весник
Политички Партии

ВМРО-ДПМНЕ: Со покачување на струјата Заеви се богатат, а граѓаните осиромашуваат

ВМРО-ДПМНЕ: Со покачување на струјата Заеви се богатат, а граѓаните осиромашуваат

Со покачување на струјата Заеви се богатат, а граѓаните осиромашуваат. Грабежот мора да запре, порачува ВМРО-ДПМНЕ преку соопштение.

„Граѓаните се против покачувањето на цената на струјата. Тоа е огромен удар врз нивниот џеб и домашен буџет, во услови на пандемија, кога голем број ги загубија своите работни места. Тоа Заев не го интересира. СДСМ не реагира и продолжува со својата политика на грабање се што може да се грабне.

На СДСМ не и е важно дали граѓаните имаат пари или не да ги плаќаат така покачените сметки за струја и дали така нема да се загрози нивната егзистенција, се додека се полни буџетот на фирмите од кои утре ќе треба да земаат тендери фирмите на Заеви.

РЕК Битола и АД ЕЛЕМ три години се користат како средство за богатење на Заеви и фирми блиски до нив, кои испумпаа милиони преку јавни набавки.
Доколку СДСМ се поставеше домаќински, овие фирми немаше да ја почувствуваат загубата причинета поради пандемијата, но тоа ќе значеше помалку тендери за нивни блиски фирми, работа, од која очигледно не можеа да се откажат. Тоа ќе значеше и дека нема да можат да прават предизборен поткуп со над 1.000 вработувања.

Сметката за богатењето на поединци од власта и предизборниот поткуп сега стигна, а неа ќе треба да ја платат граѓаните. Апелираме власта да се вразуми, да ги примени советите на ВМРО-ДПМНЕ и да се откаже од покачувањето на струјата“, се наведува во партиското соопштение.

Извор: Makfax

Можете да прочитате

Митева: Денешната оставка на Ковачевски е почеток на крајот за СДС и ДУИ

Jana

СДСМ: ДПМНЕ е осамено на проруската агенда, против ЕУ и без коалициски партнери

Jana

Најголемата ИТ компанија во Македонија се ребрендира: Сеавус е сега Киншифт