Опозициската ВМРО-ДПМНЕ ќе продолжи со активната блокада во Собранието.
Потпретседателот на ВМРО-ДПМНЕ, Тимчо Муцунски по завршувањето на Извршниот комитет на партијата најави голем протест на 18 јуни и повика на масовна излезност.
„Молкот не е опција, протест за промени и подобар живот“, порача Муцунски.
Според опозициската партија, предвремените парламентарни избори се единствено решение. Муцунски образложи дека изборите се неопходни поради штните политики на власта, а во таа насока зборуваше за енергетската криза, инфлацијата и зголемените трошоци на компаниите. Муцунски додаде дека капиталните инвестиции се на ниско ниво, не е испорачан датум за ЕУ, а на проблемите во правосудниот систем, како што рече, укажуваат и меѓународните фактори.
Извршниот комитет заклучи и дека реформите во администрацијата се во застој, корупцијата е висока, а за сообраќајните несреќи кај Ласкарци и во Бугарија, и модуларната болница во Тетово се’ уште нема одговорност.
