Началникот миленик на Заев и Спасовски фатен како зема мито, е пример како работи цела влада. Ељхам Шкрета, началникот кој беше уснимен како бара и зема мито од 120 евра на граница, е истиот тој кој се закануваше на социјалните медиуми, во одбрана на Заев и Спасовски, се вели во соопштението од ВМРО-ДПМНЕ.
Од партијата додаваат дека Шкрета беше заштитник на Заев и Спасовски на социјалните мрежи. Дали тоа се должело на неговите нелегални активности и криминал кој го правел?
Потребен беше странски медиум да открие криминал во МВР, наместо внатрешната контрола. Ова говори дека Шкрета е штитен од врвот на МВР.
Случајот со Шкрета е само еден пример како функционира оваа власт која е во срж корумпирана.
На луѓе им се бара мито и се прави криминал од граница до генерален секретаријат на влада.
Системот на СДСМ е трул, и го гризе општеството, се вели во соопштението.
