Осум Русинки се уапсени во Дубаи и се обвинети за нарушување на јавниот ред и мир со правење голи фотографии на отворено.
Видеото, кое се појави на социјалните мрежи во саботата, прикажува група голи жени кои се фотографираат на балкон.
https://www.youtube.com/watch?v=6N5HfK9sExQ
Осум Русинки се меѓу приведените лица, соопшти рускиот конзулат, додавајќи дека обвинувањата се сериозни.
За нарушување на јавниот ред и мир во Дубаи може да се добие казна до шест месеци затвор и парична казна.
Полицијата во Дубаи предупреди дека секој што ќе објави порнографски материјал или каков било материјал што може да му наштети на јавниот морал се соочува со затвор и парична казна.
Секоја личност што живее во Обединетите Арапски Емирати или ги посетува ОАЕ е предмет на нејзините закони и не постојат исклучоци за туристите.
