Според живописниот трејлер, премисата на новиот филм со Џулија Робертс, Џорџ Клуни и Максим Бутие, Ticket to Paradise („Карта за рај“), е следна: Робертс и Клуни глумат разведени и скарани родители кои летаат на Бали во Индонезија за да се обидат да ја убедат својата ќерка да се откаже од претстојниот брак со локалец на Индонезија што неодамна го запознала.
Трејлерот беше објавен во петокот, но веднаш штом се појави на интернет, онлајн коментаторите почнаа да ги посочуваат проблемите со летниот блокбастер опишан од некои како продолжение на хитот Eat, Pray Love („Јади, моли се, љуби“) од 2010 година, во кој исто така глумеше Робертс и вклучуваше сцени снимени на Бали.
Една од многуте онлајн замерки што ги предизвика трејлерот е тоа што Робертс не се врати на Бали, често познат како „островот на боговите“ поради неговите многубројни хинду влијанија.
Наместо тоа, островот Хаслвуд, на работ на Големиот корален гребен во Квинсленд, го замени познатиот индонезиски остров.
Иако дејствието е сместено на Бали, Ticket to Paradise беше снимен во Австралија, што предизвика дебата за „колонијалниот поглед“.
„Карта за рај“, исто така, доби грант од 4,3 милиони американски долари – како поттик за локација за снимање во Австралија.
