МВР во координација со ОЈО презема мерки и активности за акцијата разбојништво што се случи во петокот кога беа одземени 2 тони марихуана.
Извршени се претраги во Арачино и приведени се 6 осомничени лица, и најдена е дел од дрогата.
„По добиената пријава, преземени се мерки и активности за расчистување на случајот и по добиени сознанија извршени се низа претреси во Арачиново, Горно Мојанци, Скопје, како и други локации, при што е пронајден дел од дрогата, како и други предмети поврзани со кривичното дело, а приведени се и дел од осомничените. За случајот до сега се осомничени шест лица и за нив се обезбедени докази. Истрагата продолжува и се проширува. Во координација со обвинителството од Гевгелија, преземаме дополнителни мерки и активности за целосно расчистување на случајот“, рече портпаролот на МВР, Тони Ангеловски.
