Додека светот го славеше Денот на вљубените, „Хулу“ одлучи да објави сосема нов постер и тизер за нивниот претстоен психолошки трилер Deep Water („Длабока вода“) со Бен Афлек и Ана де Армас во главните улоги.
„Длабока вода“ е адаптација на истоимениот роман на Патриша Хајсмит од 1957 година. Приказната ги следи Вик и Мелинда Ван Ален, кои се во брак без љубов. Сакајќи да го избегнат грдиот процес на развод, парот склучува договор според кој Вик ѝ дозволува на Мелинда да има неколку афери додека се заедно.
Иако се чини како едноставна работа, Вик станува љубоморен и почнува да се бори за нејзината љубов. Сето ова ги наведува да играат опасни умствени игри еден со друг.
