„Нетфликс“ на Твитер ја објави првата страница од сценариото за втората сезона на драмската серија The Witcher („Вештерот“), а во неа пишува за Гералт, нови ликови и едно мистериозно чудовиште.
Сценариото открива вознемирувачка сцена во која се вклучени три нови лика – Колин Коперклот, неговата сопруга Кира и нивната ќерка Меена – и детали за семејството што пристига во напуштено планинско село. Доцна е навечер, а градчето е покриено со снег, без светла и без знаци на живот.
Тие се обидуваат да најдат засолниште во гостилница каде што ги напаѓа чудовиште.
Продукцијата за сезоната 2 имаше проблеми со повеќекратни запирања поради позитивни случаи на Ковид-19 во екипата, а и повреда на Хенри Кавил за време на снимањето.
Сезоната 2 на „Вештерот“ се очекува да започне на „Нетфликс“ во 2021 година.
