Најмалку 17 лица загинаа, а десетици се повредени во напад на екстремисти на „Ел Шабаб“ врз хотел во Могадишу, Сомалија.
Полицијата ја заврши драмата по четиричасовна борби, кога сите напаѓачи се убиени.
„Ал џезира“ наведува дека во нападот, што завршил по неколкучасовна борба меѓу безбедносните сили и екстремистите, загинале најмалку 17 лица, додека „Си-ен-ен“ наведува дека загинале десет лица.
„Сомалиските специјални сили ја завршија четиричасовната опсада во хотел во Могадишу, откако ги убија сите напаѓачи“, напиша владиниот портпарол на „Твитер“.
Меѓу жртвите се напаѓачите, двајца владини службеници, еден војник, тројца членови на хотелското обезбедување, четворица цивили.
Десетици луѓе се повредени, според извори од болницата.
https://www.youtube.com/watch?v=OZ3HvAATQFA
Милитантната група Ал Шабаб ја презеде одговорноста за нападот на хотелот „Елит“ на плажата Лидо, кој започна со самоубиствен бомбашки напад.
Вооружени припадници на групата потоа влегоа во борба против безбедносните сили, објави претходно „Ројтерс“.
Портпаролот на Министерството за информации Исмаил Мухтар Омар изјави претходно дека во нападот загинале двајца напаѓачи, двајца помлади директори и тројца цивили.
Шефот на службата за итна помош, Амин Абдикадир Абдирахман, претходно изјави за „Ројтерс“ дека службата превезла 28 повредени лица од местото на несреќата пред да започне размената на оган.
