Се проценува дека првите 100 часа од американската војна против Иран чинеле 3,7 милијарди долари, или 891,4 милиони долари секој ден, според Центарот за стратешки и меѓународни студии (CSIS).
Со оглед на тоа што и американскиот претседател Доналд Трамп и министерот за одбрана Пит Хегсет укажуваат дека војната би можела да трае со недели, тинк-тенкот со седиште во Вашингтон забележува дека на Министерството за одбрана ќе му требаат повеќе пари отколку што се моментално предвидени во буџетот за финансирање на војната.
„Цената на муницијата ќе се намали како што САД ќе преминат на муниција со пониска цена“, соопшти CSIS, објаснувајќи дека почетокот на воздушна кампања е поскап поради потребното софистицирано оружје.
„Сепак, небуџетираните трошоци тука ќе бидат значителни… Тоа значи дека Министерството за одбрана ќе има потреба од дополнителни средства во одреден момент, бидејќи нивото на буџетски намалувања потребни за внатрешно финансирање на овој конфликт веројатно би било политички и оперативно тешко“, се вели во него.
