Не зборуваме за допаѓање или недопаѓање, зборуваме за факти. Никаде, никој ниту преговарал за нашиот идентитет, македонски и за македонскиот јазик, изјави координаторот на пратеничката група на СДСМ, Јован Митрески, на новинарско прашање за коментар за тоа дека од опозицијата не велат дека СДСМ разговара за македонскиот идентитет и за македонскиот јазик, туку за бугарскиот меморандум.
Тој вели дека за СДСМ е неприфатливо да се прифати дека Македонија има бугарски корени како услов за почеток на преговори за членство во ЕУ.
Митрески вели дека со Бугарија нема да се дискутира за идентитетот и јазикот.
„За идентитетот, повторувам и јазикот нема да се дискутира. Во делот на историските факти, формирана е комисија од стручњаци кои што ќе зборуваат за факти , за историски личности и за историски настани. Тоа е работа на историчарите, не на политичарите“, рече Митрески.
