Дрвената статуа на американската прва дама Меланија Трамп во близина на нејзиниот роден град Севница во Словенија, е запалена и отстранета од местото.
Американскиот уметник Бред Дауни, кој ја осмисли и нарача скулптурата, изјави дека таа е запалена на 4 јули на Денот на независноста на САД. Тој додал дека следниот ден организирал отстранување на статуата, пренесе Би-би-си.
Statue of Melania Trump set on fire in Slovenia
Here is the link to an article about it https://t.co/2g810AAqTL pic.twitter.com/XWFVE4nmNP
— Hear Me Roar (@Stop_Trump20) July 9, 2020
Полицијата соопшти дека во тек е истрага за инцидентот.
Статуата на Меланија Трамп во природна големина беше подигната во јули минатата година. Ја изработи локален уметнички столар Алес Зупевц, познат како Макси, по нарачка на Дауни.
Статуата која ја прикажува првата дама на САД во сина хајлина, слична на онаа која ја носеше на инугурацијата на Доналд Трамп и со рака подигната во вис, предизвика различни реакции откако беше поставена.
Локалните жители, иако горди на најпознатиот експонат во градот, воопшто не беа задоволни од сличноста на статуата со Меланија Трамп, нарекувајќи ја „срамотна“ и споредувајќи ја со Штрумфета.
