Најмалку 11 лица се повредени во голем пожар што избувна денеска во магацинот на електронската трговска компанија „Озон“ во градот Истра кај Москва, пренесува РИА Новости, повикувајќи се на неименуван претставник на итната помош.
Според извештаите на локалните медиуми и видеата на социјалните мрежи, во московскиот регион гори голем магацин.
In the #Moscow region (Istra), the warehouse of the #ozon online store is on #fire .The fire area is 20 thousand square meters. More than 1,000 people were evacuated from the building. pic.twitter.com/aScPDTDGKi
— Smriti Sharma (@SmritiS24856750) August 3, 2022
Две лица се префрлени во болница, а деветмина добиле помош во Брзата помош, пренесува медиумот.
Според последните информации од Министерството за вонредни состојби, пожарот зафатил површина од 50.000 метри квадратни, а се претпоставува дека причините за пожарот се запалена и неисправна електрична опрема.
Снимката покажува огромен облак чад кој се издига од објектот, кој изгледа како магацин за компанијата за е-трговија Ozon, пишува „Sky News“.
Засега нема индиции дека пожарот е поврзан со војната во Украина.