Белградската полиција го уапси 19-годишниот, Н.М, осомничен за пет дела сексуално вознемирување на штета на малолетници кој денеска е на изведен на сослушување, пренесува порталот „Телеграф“.
Од обвинителството во Белград за „Телеграф“ изјавиле дека момчето се испрашува за три дела за полово вознемирување на територијата на општина Раковица и два дела за полово вознемирување во општина Чукарица.
Од обвинителството наведуваат и дека од петте вознемирени девојчиња, едната е постара од 14 години, додека другите се помлади, што претставува и потешка правна квалификација.
„Три девојчиња го препознаа“, соопштиле од обвинителството, истакнувајќи дека по сослушувањето, на 19-годишникот ќе му биде одреден притвор.
Претходно, во јавноста се појавил лик на човек за кој се утврдило дека не е виновен за овие дела, додаваат од белградското обвинителство.
Тој човек бил уапсен, но девојчињата не го препознале, а имал и алиби.
19-годишникот, Н.М. бил уапсен во текот на вчерашниот ден, пренесува „Телеграф“.
Во јавноста претходно се појавија две снимки на кои се гледа како млад човек ги слекува панталоните пред две девојчиња.
