Осврнувајќи се на одлуката за намалување на данокот на додадена вредност за електричната енергија од 18 на 5 отсто од 1 јули годинава, членот на Комисијата за енергтеика на СДСМ Далибор Богдановски вели дека целта на намалувањето на данокот на додадена вредност е со пониски цени да им се помогне на домаќинствата за намалување на нивните трошоци.
„Со ова намалување граѓаните нема да го почувствуваат можното движење на цената на струјата и ќе се компензира евентуално зголемување на трошоците кај струјата. Сепак, како што рече, последниот збор за утврдување на цената на електричната енергија го има Регулаторната комисија за енергетика, институциите предводени од СДСМ секогаш се на страната на граѓаните и работат за подобрување на животниот стандард“, потенцира тој.
„Цената на струјата во време на ВМРО-ДПМНЕ, во време на најнеспособниот директор на ЕСМ и советник за енергетика на Груевски, Христијан Мицкоски се зголеми за 100%.Покрај зголемување на цената, токму ВМРО-ДПМНЕ ја укина евтината тарифа на струјата што значеше и сериозен дополнителен удар врз џебот на граѓаните, а државата ја направија зависна од увоз на струја“, напомена Богдановски.
„За нас зборот е збор, ја вративме евтината тарифа за струјата, а електричната енергија во Македонија е меѓу најевтините во регионот и во Европа“, додаде тој.
