Поранешниот јапонски премиер Шинзо Абе е застрелан додека држел говор на изборен митинг и се наоѓа во критична здравствена состојба.
Абе држел говор на митингот кога двапати било пукано кон него. Првиот куршум го промашил, додека вториот го погодил во грбот, по што тој паднал. Новинската агенција Џији, повикувајќи се на кругови од либералнодемократската партија ЛДП на Абе, јавува дека по истрелите 67-годишниот политичар паднал и крварел од вратот. Тој бил итно пренесен во болница.
Портпаролот на јапонската влада соопшти дека е уапсен осомничениот напаѓач, ТВ НХК јави дека кај него било пронајдено огнено оружје.