Четириесет и осумгодишен велешанец е тешко повреден во експлозија од неисправна плинска инсталација, која настанала ноќеска во неговиот стан на ул.„Христо Татарчев“ во Велес.
Притоа, предизвикана е материјална штета во станот, зградата и паркираните возила пред зградата, а сопственикот се здобил со тешки телесни повреди, констатирани во Општа болница Велес.
Увид извршила екипа од СВР Велес. Се преземаат мерки за расчистување на случајот.
