Легендарниот холандски напаѓач на Милан, Марко ван Бастен признава дека не бил добар фудбалски тренер и дека е среќен што нема ваква работа, која е „штетна“ за здравјето.
Како фудбалер, Ван Бастен беше еден од најдобрите напаѓачи на својата генерација, предводејќи ја Холандија до европската титула во 1988, и блескајќи за Ајакс и Милан пред предвреме да ја заврши кариерата на само 28 години поради повреди.
Во 2004 година тој почна со тренерската кариера и работеше со холандската репрезентација, Ајакс, Херенвен и АЗ Алкмар, но признава дека таа работа не е за него и пресреќен е што веќе не ја работи.
„Не сум добар тренер. Можам да работам со фудбалерите и да зборувам за фудбал, но кога бев тренер и губев беше многу болно, и не можев да живеам со тоа. Како менаџер мораш да си позитивен со луѓето, како татко со своите синови и тоа навистина го немав. Исто така, таа професија е лоша за здравјето. Кога бев помошник, бев интелигентен и имав трпение. Како главен тренер бев целосна спротивност. Добро е што си заминав навреме. Имам некој бизнис и работам за ТВ, имам убава жена, убави деца, две внучиња, сите сме здрави… Уживам во животот“, вели Ван Бастен во интервју за британскиот „Гардијан“.
> Ван Бастен: Да си фудбалски тренер е штетно по твоето здравје <
