Бугарскиот премиер, Кирил Петков, соопшти дека земјата го завршила техничкото ниво на преговорите со Европската комисија.
Петков во објава на социјалната мрежа „Фејсбук“ наведе дека претседателката на Европската комисија Урсула фон дер Лајен наскоро ќе допатува во Бугарија за да го потпише Националниот план за закрепнување и одржливост.
Според Планот за закрепнување и одржливост, Бугарија првично треба да добие седум милијарди евра од ЕК и уште 3,5 милијарди евра заеми.
