Британците се охрабрени да ја пејат софт-рок класиката на Нил Дајмонд, Sweet Caroline („Слатка Керолајн“), кога ќе го прославуваат платинестиот јубилеј на кралицата следниот месец, објави „Би-би-си“.
Слушателите на емисијата на Зои Бол, „Брекфаст шоу“, која се емитува на „Би-би-си Радио 2“ ја избраа оваа мелодија и неа ќе ја пеат сите на уличните забави на 5 јуни.
Објавувајќи ја кампањата, Бол го опиша стариот хит на Дајмонд како песна на заедништво.
Се очекува околу 10 милиони луѓе да се приклучат на пеењето.
„Исто така, се надеваме дека многу грасрут музички групи и хорови и училишни бендови и дувачки оркестри ќе ја научат песната и ќе ја изведат исто така“, изјави Бол.
„Ние навистина сакаме да ја охрабриме земјата да се обедини.“