Белоруските погранични служби ја зајакнаа граничната безбедност, изјави за ТАСС портпаролот на Државниот комитет за граници, Антон Бичковски.
„Безбедноста на границата е зајакната, се преземаат неопходните мерки во зависност од ситуацијата во конкретни региони“, рече тој.
Белорускиот претседател Александар Лукашенко вчера изјави дека земјата ќе ги затвори границите со Литванија и со Полска и ќе ја зајакне граничната контрола со Украина.
Тој ги повика луѓето од трите земји да ги спречат нивните политичари да почнат „жешка војна“.
