Американскиот претседател, Џо Бајден, денеска ќе побара од Конгресот нова помош во износ од неколку милијарди долари и прераспределба на средствата запленети од руските олигарси за помош на Украина во војната против Русија, објави Белата куќа.
Помошта, наводно, ќе биде искористена за снабдување на украинската армија, зајакнување на државната економија и поддршка на милиони бегалци.
Американскиот претседател, исто така, ќе побара од Конгресот нови овластувања за зајакнување на американските санкции против руската влада и оние кои профитираат од војната, пренесува АП.