Четири лица се повредени, од кои едно потешко, во сообраќајна несреќа што се случи вчера на автопатот „Пријателство“, во близина на надвозникот во селото Ржаничино, Скопско.
„Автомобил со велешки регистарски ознаки, управуван од И.М.(46) од Велес, излетал од коловозот. Во незгодата со тешки телесни повреди се здобил сопатникот Љ.Б.(53) од Велес, а со телесни повреди се здобиле возачот и уште двајца сопатници Ј.К.(19) и А.Б.(22), двајцата од Велес, констатирани во Градската општа болница Св.Наум Охридски, соопшти МВР.
Извршен бил увид на местото на настанот.