Австралискиот премиер, Скот Морисон, изјави дека неговата влада нема да брза да ја одобри употребата на вакцината против Ковид-19 што ја развија компаниите „Фајзер“ и „Бионтек“, бидејќи сака Австралијците да имаат доверба во тој производ.
Морисон рече дека Австралија е во поинаква ситуација од Велика Британија, каде вакцинацијата беше итно одобрена, и од САД, кои се во завршна фаза на доделување дозвола за употреба на вакцината.
Австралиската влада очекува вакцината да биде одобрена до крајот на јануари и дека вакцинацијата ќе започне до март.
