Утрово во седум часот биле измерени 29 сантиметри снег на Маврови Анови, 20 сантиметри на Попова Шапка, 13 во Крушево, 8 во Пожаране, 7 во Лазарополе, 2 во Крива Паланка, Ѓуриште и Берово.
Најниска температура од -5 степени е измерена на Попова Шапка, -4 во Маврово -2 во Крушево, -1 во Kрива Паланка, Битола и Берово, 0 степени се измерени во Скопје-Петровец, 1 во Прилеп, Тетово, и Претор, 2 во Дебар, Охрид, Штип, Скопје-Зајчев Рид, Виница, Струмица и Куманово, 3 во Гевгелија, 4 во Демир Капија, и Дојран.
Денеска ќе биде променливо облачно со слаб до умерен ветер од јужен правец. Претпладне ќе има слаб локален дожд, на повисоките места и планините слаб снег.
Максималната температура ќе достигне од 5 до 12 степени.
Во Скопје, претпладне променливо облачно, а попладне облачноста ќе се намалува. Ќе дува слаб ветер од јужен правец. Максималната температура ќе достигне 11 степени.
